ველოსიპედები - საბავშვო, ელექტრო და სამთო მოდელები Mymarket-ზე
თანამედროვე ველოსიპედი საუკეთესო საშუალებაა ჯანსაღი ცხოვრების წესისთვის, ქალაქში კომფორტული გადაადგილებისთვის თუ ბუნებაში განტვირთვისთვის. Mymarket-ზე წარმოდგენილია ველოსიპედების ფართო არჩევანი: საბავშვო ველოსიპედი, ელექტრო ველოსიპედი, სამთო, ქალაქისა თუ გზატკეცილის მოდელები. პლატფორმაზე მარტივად შეარჩევთ სასურველ აპარატს ასაკის, ზომის, ბრენდისა და ფასის მიხედვით. ამასთან, ხელმისაწვდომია შინ მიწოდება, ოფიციალური გარანტია და ველოსიპედი განვადებით.
როგორ შევარჩიოთ ველოსიპედი Mymarket-ზე?
სწორი მოდელის შესარჩევად შეაფასეთ:
- გამოყენების მიზანი და გზის ტიპი: ასფალტი, უსწორმასწორო გრუნტი თუ მთის ბილიკები;
- მომხმარებლის სიმაღლე და ასაკი: განსაზღვრავს ჩარჩოსა და ბორბლის დიამეტრს;
- კომპონენტები: გადაცემათა რაოდენობა, ამორტიზაცია და მუხრუჭის ტიპი;
- ბიუჯეტი: გათვლილი ფინანსური რესურსი.
ველოსიპედების ძირითადი ტიპები
სამთო ველოსიპედები
განკუთვნილია უსწორმასწორო გზებისთვის.
ქალაქის ველოსიპედები
ორიენტირებულია ყოველდღიურ კომფორტულ გადაადგილებაზე.
გზატკეცილის ველოსიპედები
სწრაფი მოდელები აეროდინამიკური პოზიციით ასფალტისთვის.
ჰიბრიდული ველოსიპედები
ქალაქისა და მსუბუქი გრუნტის გზების იდეალური ბალანსი.
ელექტრო ველოსიპედები
ძრავით აღჭურვილი მოდელები მარტივი გადაადგილებისთვის.
დასაკეცი ველოსიპედები
კომპაქტური ტრანსპორტირებისთვის.
BMX ველოსიპედები
ტრიუკებისა და ექსტრემალური სრიალისთვის.
საბავშვო ველოსიპედები
უსაფრთხო მოდელები პატარებისთვის.
სამთო ველოსიპედი
უხეში და რთული რელიეფისთვის განკუთვნილ სამთო მოდელებს აქვს მტკიცე ჩარჩო, განიერი საბურავები, წინა ან სრული ამორტიზაცია, მრავალსაფეხურიანი გადაცემათა სისტემა და მძლავრი დისკური მუხრუჭები.
ქალაქის ველოსიპედი
ქალაქის მოდელები უზრუნველყოფს სწორ, კომფორტულ ჯდომას. აღჭურვილია ტალახის დამცავებით, საბარგულით, განათებითა და გლუვი საბურავებით ასფალტზე სასრიალოდ.
გზატკეცილის ველოსიპედი
გამოირჩევა მსუბუქი ჩარჩოთი, ვიწრო საბურავებითა და აეროდინამიკური საჭით. იგი განკუთვნილია ასფალტზე დიდი სიჩქარისა და გრძელი დისტანციების დასაფარად.
ჰიბრიდული ველოსიპედი
აერთიანებს ქალაქისა და სამთო მოდელების საუკეთესო თვისებებს. საშუალო სიგანის საბურავები უზრუნველყოფს სიჩქარეს ასფალტზე და სტაბილურობას გრუნტზე.
ელექტრო ველოსიპედი
ელექტრო ველოსიპედი აღჭურვილია ელექტროძრავითა და ბატარეით. შერჩევისას ყურადღება მიაქციეთ ძრავის სიმძლავრეს, დამუხტვის დროს, წონასა და ერთი დამუხტვით გასავლელ მანძილს.
საბავშვო ველოსიპედები
როდესაც ირჩევთ ბავშვის ველოსიპედი, მთავარია უსაფრთხოება:
- ასაკი და სიმაღლე: ბავშვი ფეხით თავისუფლად უნდა წვდებოდეს მიწას;
- კომპონენტები: დამხმარე ბორბლები, ჯაჭვის დამცავი და რბილი მუხრუჭები.
რა ზომის ველოსიპედი უნდა შევარჩიოთ?
ზომის შერჩევა ხდება მომხმარებლის სიმაღლისა და ფეხის შიდა სიგრძის მიხედვით. ყოველთვის ისარგებლეთ მწარმოებლის ზომების ცხრილით და, შესაძლებლობის შემთხვევაში, ჩაატარეთ საცდელი მორგება.
ველოსიპედის ბორბლის ზომები
- 12–18 დიუმიანი ველოსიპედები: ყველაზე პატარა ასაკის ბავშვებისთვის.
- 20 დიუმიანი ველოსიპედები: 6–8 წლის ბავშვებისა და BMX მოდელებისთვის.
- 24 დიუმიანი ველოსიპედები: მოზარდებისთვის.
- 26 დიუმიანი ველოსიპედები: ტრადიციული ზომა ზრდასრულთათვის.
- 27.5 დიუმიანი ველოსიპედები: თანამედროვე ოპტიმალური სტანდარტი სამთო მოდელებში.
- 28 დიუმიანი ველოსიპედები: ქალაქისა და გზატკეცილის მოდელებისთვის.
- 29 დიუმიანი ველოსიპედები: დიდი გამავლობის სამთო ველოსიპედები.
ველოსიპედის ჩარჩო
ჩარჩოს მასალები განსაზღვრავს წონასა და გამძლეობას:
- ალუმინი: მსუბუქი, გამძლე და კოროზიამდგრადი;
- ფოლადი: ბიუჯეტური და მტკიცე, თუმცა შედარებით მძიმე;
- ნახშირბადის ბოჭკო (Carbon): ულტრამსუბუქი პროფესიონალური მასალა.
ველოსიპედის ამორტიზაცია
- ამორტიზაციის გარეშე (Rigid): გზატკეცილისა და ქალაქის მოდელებში;
- წინა ამორტიზაცია (Hardtail): უნივერსალური არჩევანი სამთო გზებისთვის;
- სრული ამორტიზაცია (Full Suspension): ექსტრემალური რელიეფისთვის.
ველოსიპედის მუხრუჭები
დისკური მუხრუჭები
არსებობს მექანიკური და ჰიდრავლიკური. უზრუნველყოფს ძლიერ დამუხრუჭებას ნებისმიერ ამინდში.
რგოლური მუხრუჭები (V-Brake)
მსუბუქი, მარტივად მოსავლელი და ბიუჯეტური სისტემა ყოველდღიური მოხმარებისთვის.
გადაცემათა სისტემა
გადაცემათა რაოდენობა ეხმარება პილოტს აღმართზე მარტივად ასვლასა და სწორ გზაზე სიჩქარის განვითარებაში. წინა და უკანა გადამრთველები უზრუნველყოფს ძალისხმევის სწორ გადანაწილებას.
ქალის, კაცისა და უნისექს ველოსიპედები
ქალის მოდელებს ხშირად აქვს დაწეული ჩარჩო და მოკლე საჭე, ხოლო კაცისა და უნისექს მოდელებს - სტანდარტული გეომეტრია მაქსიმალური კომფორტისთვის.
ველოსიპედის აქსესუარები
უსაფრთხოებისა და კომფორტისთვის აუცილებელია: ჩაფხუტი, განათება, საკეტი, ტუმბო, წყლის ბოთლი, ჩანთა, საბარგული, ტალახის დამცავი, სარემონტო ნაკრები და ტელეფონის სამაგრი.
ველოსიპედის მოვლა
ხანგრძლივი ექსპლუატაციისთვის რეგულარულად შეამოწმეთ საბურავის წნევა, გაწმინდეთ და შეზეთეთ ჯაჭვი, დაარეგულირეთ მუხრუჭები და შეამოწმეთ როგორაა ჭანჭიკები მოჭერილი.
ველოსიპედების ფასები
ფასი დამოკიდებულია ჩარჩოს მასალაზე, ბრენდსა და კომპონენტებზე. Mymarket-ზე იპოვით როგორც ბიუჯეტურ, ისე პროფესიონალურ მოდელებს, ისარგებლებთ ფასდაკლებებითა და ონლაინ განვადებით.
რატომ უნდა ვიყიდოთ ველოსიპედი ონლაინ?
ონლაინ შეძენა გაძლევთ საშუალებას მარტივად შეადაროთ მოდელები, გაფილტროთ ტექნიკური მახასიათებლებით, წაიკითხოთ შეფასებები და ისარგებლოთ ადგილზე მიწოდების სერვისით.