გარანტიის პირობები

საგარანტიო მომსახურება გულისხმობს ამ ხელშეკრულების საფუძველზე მომხმარებლის უფლებას ნივთის შეძენიდან 24 თვის განმავლობაში მოითხოვოს მისი უსასყიდლოდ შეკეთება, შეცვლა ან ხელშეკრულებიდან გასვლა, ფასის შემცირება თუ საგარანტიო ვადის განმავლობაში ნივთი ნაკლის მქონდე აღმოჩნდა

გარანტიის პირობები ვრცელდება მხოლოდ იმ მომხმარებლებზე, რომლებმაც ისარგებლეს აქვარეას სერვისით (მონტაჟით).

მომხმარებლის უფლებები

მომხმარებელს უფლება აქვს:

თუ საქონელი ნაკლის მქონე აღმოჩნდა, მოითხოვოს:
• საქონლის შეცვლა – შეძენიდან არაუგვიანეს 5 სამუშაო დღის განმავლობაში (რეალიზაციის დღის ჩათვლით
• საქონლის უსასყიდლოდ შეკეთება – არაუგვიანეს 12 თვის ვადაში
• ფასის შემცირება თუ ნაკლი აღმოაჩნდა არაუგვიანეს 12 თვისა.
• ხელშეკრულებიდან გასვლა (თუ ნაკლი არსებითია)
მომხმარებელს უფლება აქვს ისარგებლოს გარანტიით მხოლოდ იმ შემთხვევაში, თუ პროდუქტის გამოყენება ხდება მწარმოებლის მითითებების შესაბამისად და მომხმარებელი სისტემატურად ახორციელებს მის მოვლას (ფილტრების დროული შეცვლა და სხვა სავალდებულო ტექნიკური მომსახურება). 6 თვე არაუმეტეს 11000ლიტრი
მომხმარებელს არ აქვს უფლება უარი თქვას ხელშეკრულებაზე, თუ ნაკლი უმნიშვნელოა.

კომპანიის ვალდებულებები

აქვარეა იღებს ვალდებულებას გაუწიოს მომსახურება მომხმარებელს ამ ხელშეკრულების შესაბამისად.

თუ გაწეული მომსახურეობა ნაკლიანი ან ვადაგადაცილებულია, მომხმარებელმა უნდა მიანიჭოს კომპანიას დამატებითი გონივრული ვადა, გარდა იმ შემთხვევისა, როცა ეს შეუძლებელია ან მოითხოვს არათანაზომიერად დიდ ხარჯს.

თუ დამატებითი ვადა უშედეგოდ გავიდა, მომხმარებელს უფლება აქვს:

მოითხოვოს მომსახურების ფასის შემცირება
უარი თქვას ხელშეკრულებაზე და მოითხოვოს ზიანის ანაზღაურება კანონმდებლობით დადგენილი წესით
საკუთარი ხარჯის გარეშე მიმართოს სხვა პირს მომსახურების გაწევისთვის/ნაკლის გამოსასწორებლად

საგარანტიო მომსახურება არ განხორციელდება, თუ:

მომხმარებელი არ წარმოადგენს საგარანტიო ფურცელს და გადახდის ქვითარს.
ნაკლზე არ შეატყობინა კომპანიას 5 სამუშაო დღეში (რეალიზაციის დღის ჩათვლით)
საგარანტიო ფურცელში მონაცემები შეცვლილია
სერიული ნომერი დაზიანებულია ან არ იკითხება
პროდუქტი დაზიანებულია მექანიკურად, წყალდიდობით, ხანძრით, ბუნებრივი კატასტროფით, ან სხვა გარე ფაქტორით
პროდუქტი დამონტაჟდა მესამე პირის ან თვითნებურად მომხმარებლის მიერ
პროდუქტი გამოყენებულია მწარმოებლის მიერ განსაზღვრული ნორმების დარღვევით (მაგ. სამრეწველო დანიშნულებით, როცა განკუთვნილია საყოფაცხოვრებო მოხმარებისთვის)
მომხმარებელმა არ შეასრულა რეგულარული მოვლის პირობები (ფილტრების დროული შეცვლა და სხვა სავალდებულო ტექნიკური მომსახურება)
პროდუქტი თვითნებურად გაიხსნა ან შეცვლილია არაუფლებამოსილი სერვისის მიერ

პროდუქტის დაბრუნება

პროდუქტი არ ბრუნდება, თუ კომპლექტაცია სრულად არ არის წარმოდგენილი (ყუთი, ინსტრუქცია, პერიფერიული ნაწილები, აქსესუარები და სხვა)
არ ბრუნდება გამოყენებული პროდუქტი (გატესტვა არ იგულისხმება), თუ კომპანიას არ შეუძლია საკუთარი ხარჯებით მისი ხელახლა გასაყიდ მდგომარეობაში მოყვანა
თანხის დაბრუნება შესაძლებელია მხოლოდ პროდუქტის მდგომარეობის გათვალისწინებით – კომპანიას აქვს უფლება დააკავოს ღირებულების ნაწილი (10–20%-მდე), თუ პროდუქტი გამოყენებულია ან ნაწილობრივ დაზიანებულია
პროდუქტი არ ბრუნდება, თუ მომხმარებელმა თვითნებურად შეცვალა ან დააზიანა იგი

პასუხისმგებლობის შეზღუდვა

კომპანიის პასუხისმგებლობა შემოიფარგლება მხოლოდ პროდუქტის ღირებულებით
კომპანია არ აგებს პასუხს მომხმარებლის მიერ მიყენებულ დამატებით ზარალზე (მათ შორის სხვა ნივთების დაზიანება, საქმიანობის შეფერხება და ა.შ.)
სერვისისა და შეკეთების ვადების გახანგრძლივება შესაძლებელია იმპორტიორის ან მწარმოებლის შეფერხების შემთხვევაში

დამატებითი პირობები

გარანტიის მოთხოვნისას მომხმარებელმა უნდა წარმოადგინოს მონტაჟის აქტები ან შესაბამისი დოკუმენტაცია
კომპანია იტოვებს უფლებას ეჭვქვეშ დააყენოს ნივთის ნამდვილობა, თუ მასზე აღმოჩნდება ცვლილებები (გარდა სტანდარტული გახსნისა პროდუქტის დათვალიერებისთვის)

გთხოვთ, ყურადღებით გაეცნოთ დაბრუნებისა და საგარანტიო მომსახურების პირობებს, რათა თავიდან აირიდოთ გაუთვალისწინებელი უსიამოვნებები!

მეორადი და ახალი ნივთების ყიდვა-გაყიდვის პლატფორმა Mymarket