საგარანტიო მომსახურება და დაბრუნების პოლიტიკა

ვებგვერდი ფუნქციონირებს „მომხმარებლის უფლებების დაცვის შესახებ“ საქართველოს კანონის სრული დაცვით. აღნიშნული კანონის მე-13 და მე-14 მუხლების შესაბამისად, მომხმარებელს უფლება აქვს, საიტზე შეძენილი საქონელი უპირობოდ დააბრუნოს საქონლის ფიზიკურად მიღებიდან 14 კალენდარული დღის განმავლობაში.

საქონლის მიღებიდან 14 დღის გასვლის შემდეგ მომხმარებელი კარგავს საქონლის უპირობოდ დაბრუნების უფლებას.

ხელშეკრულებაზე უარის თქმის შემთხვევაში მომხმარებელი ვალდებულია მოვაჭრეს ან მის მიერ განსაზღვრულ მესამე პირს დაუბრუნოს საქონელი ხელშეკრულებაზე უარის თქმის შესახებ შეტყობინების გაგზავნის შემდეგ დაუყოვნებლივ, თუმცა არაუგვიანეს 7 კალენდარული დღისა, გარდა იმ შემთხვევისა, როდესაც მოვაჭრე თავად უზრუნველყოფს საქონლის უკან წაღებას.

ხელშეკრულებაზე უარის თქმის შემთხვევაში მოვაჭრე ვალდებულია მომხმარებელს სრულად დაუბრუნოს გადახდილი თანხა, მათ შორის (არსებობის შემთხვევაში) მიწოდების საფასური, შეტყობინების მიღებიდან არაუგვიანეს 14 კალენდარული დღის განმავლობაში, გაუმართლებელი გაჭიანურების გარეშე.

საქონლის უკან დაბრუნების ტრანსპორტირების ხარჯს უზრუნველყოფს მომხმარებელი.

უპირობოდ დაბრუნების უფლება არ ვრცელდება 30 ლარამდე ღირებულების პროდუქციაზე.

თუ საქონელი გამოყენებულია იმაზე მეტად, ვიდრე საჭიროა მისი ბუნებისა და მახასიათებლების შესაფასებლად, საქონლის ღირებულება შესაძლოა შემცირდეს. ასეთ შემთხვევაში, ღირებულებებს შორის სხვაობის ანაზღაურება ეკისრება მომხმარებელს.

მოვაჭრეს უფლება აქვს უარი თქვას თანხის დაბრუნებაზე მანამ, სანამ საქონელს არ დაიბრუნებს ან მომხმარებლისგან არ მიიღებს საქონლის გაგზავნის დამადასტურებელ დოკუმენტს (რომელი გარემოებაც უფრო ადრე დადგება), გარდა იმ შემთხვევისა, როდესაც მოვაჭრე თავად უზრუნველყოფს საქონლის უკან წაღებას.

წინამდებარე წესები ვრცელდება მაღაზიაში ადგილზე შეძენილ საქონელზეც (ამ შემთხვევაში დაბრუნების ფორმის შევსება სავალდებულო არ არის).

დასაბრუნებელი საქონელი უნდა იყოს წარმოდგენილი:

სრული კომპლექტაციით
თავდაპირველ შეფუთვაში (შეფუთვის გახსნა დაბრუნების შეზღუდვას არ წარმოადგენს)
შევსებულ საგარანტიო ბარათთან ერთად
გადახდის დამადასტურებელი ქვითრით

დასაბრუნებელ საქონელს არ უნდა აღენიშნებოდეს:

არასანქცირებული შეკეთების კვალი
ფიზიკური დაზიანება

საქონელი არ ექვემდებარება დაბრუნებას შემდეგ შემთხვევებში:

საქონელი დამზადებულია მომხმარებლის ინდივიდუალური მოთხოვნის ან პერსონალიზაციის საფუძველზე;
საქონელი მალფუჭადია ან აქვს მოკლე ვარგისიანობის ვადა;
მიწოდებულია ჰერმეტულად დაცული საქონელი, რომლის ჰერმეტულობა დარღვეულია და მისი დაბრუნება შეუძლებელია ჰიგიენური ან ჯანმრთელობის დაცვის მოთხოვნებიდან გამომდინარე;
საქონელი მიწოდების შემდეგ მისი თვისებების გამო განუყოფლად შეერწყა სხვა ნივთს;
მიწოდებულია დალუქული აუდიო/ვიდეო ჩანაწერი ან პროგრამული უზრუნველყოფა, რომლის ლუქი დარღვეულია.

საგარანტიო პირობები ტექნიკაზე

ტექნიკაზე ვრცელდება 24-თვიანი საგარანტიო პერიოდი.

სერვის ცენტრები (Techpoint):
თბილისი – ცინცაძის ქ. №5
რუსთავი – შარტავას გამზ. №2გ
თელავი – ალაზნის გამზ. №77
გორი – ცხინვალის გზატკეცილი №5ბ
ქუთაისი – ირაკლი აბაშიძის ქ. №10
ბათუმი – ჭავჭავაძის ქ. №31

Покупайте и продавайте подержанные или новые товары