შპს ,,თერმექს.ჯი“-ის

სავაჭრო პოლიტიკა და საგარანტიო პირობები მომხმარებელთათვის

შპს ,,თერმექს.ჯი“

ს/ნ 204552732

ტელ: +995 32 288 05 80

ელ-ფოსტა: georgia@thermex.com

იურიდიული მისამართია: ქ. თბილისი, მთაწმინდის რაიონი, ბროსეს ქ. №11/16

საგარანტიო პირობები და უკან დაბრუნების პოლიტიკა

მომხმარებელთა საყურადღებოდ!

გაუთვალისწინებელი შემთხვევებისგან თავის არიდების მიზნით, გთხოვთ გულდასმით გაეცნოთ შპს ,,თერმექს.ჯი“-ის მიერ მოწოდებულ ინფორმაციებს.

კანონისმიერი გარანტია:

მომხმარებელს უფლება აქვს, ყოველგვარი საფუძვლის მითითების გარეშე თქვას უარი დისტანციურ ხელშეკრულებაზე ან/და სარეწის გარეთ დადებულ ხელშეკრულებაზე 14 (თოთხმეტი) კალენდარული დღის განმავლობაში.

შენიშვნა: ზემოხსენებული ეხება მხოლოდ დისტანციურ (ონლაინ ვაჭრობისას) ან/და სარეწის გარეთ დადებულ ხელშეკრულებას.

შპს ,,თერმექს.ჯი“-ში თქვენს მიერ შეძენილ ნივთზე მოქმედებს 02 (ორი) წლიანი კანონისმიერი გარანტია.

თუ საქონელი ნაკლის მქონე აღმოჩნდა, მომხმარებელს უფლება აქვს, მოვაჭრეს მოსთხოვოს ნაკლის აღმოფხვრა (საქონლის უსასყიდლოდ შეკეთება ან შეცვლა, ფასის შემცირება) ან გავიდეს ხელშეკრულებიდან.

საქონლის შეკეთება და შეცვლა მომხმარებლის პირველი რიგის უფლებებია. მომხმარებელს უფლება აქვს, მოვაჭრეს მოსთხოვოს საქონლის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, საქონლის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს.

საქონელი შეკეთებული ან შეცვლილი უნდა იქნეს გონივრულ ვადაში, ისე, რომ მომხმარებელს არ შეექმნას მნიშვნელოვანი შეფერხება საქონლის ბუნებისა და იმ მიზნის გათვალისწინებით, რომლისთვისაც მან ეს საქონელი შეიძინა.

საქონლის უსასყიდლოდ შეკეთება ან შეცვლა გულისხმობს მოვაჭრის მიერ ყველა ხარჯის (მათ შორის, ფოსტის, სამუშაო ძალისა და მასალების ხარჯების) გაწევას, რომლებიც საჭიროა საქონლის ხელშეკრულებით გათვალისწინებულ პირობებთან შესაბამისობის უზრუნველსაყოფად.

მომხმარებელს უფლება აქვს, მოითხოვოს საქონლის ფასის შემცირება ან უარი თქვას ხელშეკრულებაზე, თუ არსებობს ერთ-ერთი შემდეგი პირობა:

· საქონლის შეკეთება ან შეცვლა შეუძლებელია;

· მოვაჭრემ საქონელი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა;

· მოვაჭრის მიერ საქონლის შეკეთება ან შეცვლა მომხმარებელს მნიშვნელოვან შეფერხებას შეუქმნის.

მომხმარებელს უფლება აქვს, ხელშეკრულებიდან გასვლის შემთხვევაში მოითხოვოს ხელშეკრულების შეუსრულებლობით მიყენებული ზიანის ანაზღაურება საქართველოს კანონმდებლობით დადგენილი წესით.

მომხმარებელს არ აქვს უფლება, უარი თქვას ხელშეკრულებაზე, თუ საქონლის ნაკლი უმნიშვნელოა.

თუ მომხმარებელმა საქონლის ნაკლი საქონლის მფლობელობაში მიღებიდან 6 თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა საქონლის მიწოდებისას, თუ, საქონლის ბუნებიდან ან ნაკლის ხასიათიდან გამომდინარე, ეს შესაძლებელია. ამ შემთხვევაში მტკიცების ტვირთი მოვაჭრეს ეკისრება. თუ მომხმარებელმა საქონლის ნაკლი საქონლის მფლობელობაში მიღებიდან 6 თვის შემდეგ აღმოაჩინა, იმის მტკიცების ტვირთი, რომ ნაკლი არსებობდა საქონლის მიწოდებისას, მომხმარებელს ეკისრება.

კომერციული საგარანტიო პირობები

· კომერციული საგარანტიო მომსახურება ფარავს ოფიციალური ბრენდის მიერ დადგენილ პირობებს.

· თერმექსი, THERMEX, ATT, ETALON, GARANTERM, EDISSON, REDRING, AQUAVERSO, HEATEQ ბრენდების [PT(1] შეძენიდან 1 წლის განმავლობაში შპს ,,თერმექს.ჯი“-ის მომხმარებელი ისარგებლებს 10%-მდე ფასდაკლებით შპს ,,თერმექს.ჯი“-ის ავტორიზებულ სერვის ცენტრებში (აღნიშნული ეხება როდესაც არსებული დაზიანება/დეფექტი არ არის გამოწვეული თავდაპირველი ნაკლით და სახეზეა მომხმარებლის ბრალეულობა);

· თერმექსი, THERMEX, ATT, ETALON, GARANTERM, EDISSON, REDRING, AQUAVERSO, HEATEQ ბრენდების ტექნიკის [PT(2] - კომერციული საგარანტიო პირობებში შეძენიდან 14 (თოთხმეტი) დღის განმავლობაში, აღმოჩენილი ტექნიკური/თავდაპირველი წუნის შემთხვევაში, მომხმარებლის თანხმობის შემთხვევაში, იცვლება ახლით (იცვლება მხოლოდ ნაწილი და არა სრული კომპლექტაცია), დიაგნოსტირების შემდგომ 30 სამუშაო დღის ვადაში (უშუალოდ დიაგნოსტირება გულისხმობს 2-7 სამუშაო დღეს);

შენიშვნა: ზემოხსენებული 14 (თოთხმეტი) დღიანი ვადა ვრცელდება დისტანციურ (ონლაინ ვაჭრობისას) ან/და სარეწის გარეთ დადებულ ხელშეკრულებაზე, ხოლო ნებისმიერი პროდუქტის შპს ,,თერმექს.ჯი“-ის ფილიალში შეძენის შემთხვევაში მოქმედებს შესაბამისი საგარანტიო პირიობებით განსაზღვრული 7 (შვიდი) დღიანი ვადა (ფილიალის საგარანტიო პირობებსა და უკან დაბრუნების პოლიტიკაზე გაცნობა შეგიძლიათ ადგილზე).

· კომერციული საგარანტიო მომსახურების მისაღებად საგარანტიო ბარათზე აუცილებელია მითითებული იყოს შემდეგი ინფორმაცია: ტექნიკის დასახელება, სერიული/კოდი, მყიდველის ვინაობა, შეძენის თარიღი, გამყიდველი კომპანიის ბეჭედი, პასუხისმგებელი თანამშრომლის და მყიდველის ხელმოწერები. წინააღმდეგ შემთხვევაში ტექნიკაზე კომერციული გარანტია არ ვრცელდება;

· კომერციული გარანტიის ფარგლებში ნივთი იცვლება, თუ ნივთს გახსნისთანავე (ყიდვის მომენტში) დაუფიქსირდა ვიზუალური დეფექტი (აუცილებელია ნივთის ვიზუალური დათვალიერება ყიდვის მომენტში კომპანიის წარმომადგენლის თანდასწრებით);

· კომერციული გარანტიის ფარგლებში, მომხმარებლის თანხმობის შემთხვევაში, თერმექსი, THERMEX, ATT, ETALON, GARANTERM, EDISSON, REDRING, AQUAVERSO, HEATEQ -ის[PT(3] ტექნიკა იცვლება, თუ შეძენიდან 14 (თოთხმეტი) დღის ვადაში აღმოაჩნდა თავდაპირველი ნაკლი, რომელიც დადასტურებული იქნება შპს ,,თერმექს.ჯი“-ს ავტორიზებული სერვისცენტრის მიერ. პროდუქტს პირვანდელი სახე დაზიანებების გარეშე უნდა ჰქონდეს შენარჩუნებული და წარმოდგენილი იქნას სრული კომპლექტაციითა და დაუზიანებელი ყუთით (არ იგულისხმება ყუთის გახსნა);

შენიშვნა: ზემოხსენებული 14 (თოთხმეტი) დღიანი ვადა ვრცელდება დისტანციურ (ონლაინ ვაჭრობისას) ან/და სარეწის გარეთ დადებულ ხელშეკრულებაზე, ხოლო ნებისმიერი პროდუქტის შპს ,,თერმექს.ჯი“-ის ფილიალში შეძენის შემთხვევაში მოქმედებს შესაბამისი საგარანტიო პირიობებით განსაზღვრული 7 (შვიდი) დღიანი ვადა (ფილიალის საგარანტიო პირობებსა და უკან დაბრუნების პოლიტიკაზე გაცნობა შეგიძლიათ ადგილზე).

გარანტია არ ვრცელდება:

გასულია საგარანტიო ვადა;
საგარანტიო ბარათი არ არის წარმოდგენილი / დაკარგულია და სხვაგვარად ვერ ხდება შეძენის იდენტიფიცირება;
წუნი გამოწვეულია მოწყობილობის მექანიკური დაზიანებით;
დაზიანება გამოწვეულია ექსპლუატაციის და შენახვის წესების და პირობების დარღვევით;
ნივთზე არ იკითხება / ამძვრალია სერიული ნომერი /კოდი და შესაბამისად შეუძლებელია საქონლის იდენტიფიცირება;
დაზიანება გამოწვეულია პლომბის ან ლუქის მოცილებით;
მოწყობილობა დაშლილია (გახსნილია) თვითნებური შეკეთების ან რაიმე სხვა მიზნით რამაც გამოიწვია ნივთის დაზიანება;
მოწყობილობა გამოიყენებოდა მისი დანიშნულების შეუსაბამო მიზნით;
დაზიანება გამოწვეულია კომპიუტერული ვირუსის ან შეუსაბამო ფაილების მიერ;
დაზიანება გამოწვეულია მექანიზმში უცხო სხეულის ან სითხეების შეღწევით.

მომხმარებელი ვალდებულია:

გაეცნოს საქონლის საგარანტიო პირობებს და ექსპლოატაციის პირობებს. ადგილზე შეამოწმოს საქონელი და მისი აქსესუარები;
ნივთის ნაკლის გამოვლენისთანავე, დაუყოვნებლივ მიმართოს სერვის-ცენტრს და არ გააგრძელოს ნაკლის მქონე ნივთის ექსპლუატაცია;
თუ მომხმარებელი ნივთის შეძენისას უარს ამბობს ტექნიკის შეფუთვის გახსნაზე და ტექნიკის ვიზუალურ დათვალიერებაზე, ამ შემთხვევაში კომპანია იხსნის პასუხისმგებლობას ტექნიკის ვიზუალურ მდგომარეობაზე;
გამოიყენოს მხოლოდ ორიგინალი აქსესუარები;

მომხმარებელთა საყურადღებოდ!

მომხმარებლის მიერ გათვალისწინებულ უნდა იქნას, რომ ნივთის გადმოცემასთან ერთად მათზე გადადის მისი შემთხვევით დაღუპვის (განადგურების), გაფუჭების ან დაზიანების რისკი იმ შემთხვევაშიც თუ, მას მომხმარებლის დავალებით გადამზიდავი აგზავნის, ხსენებული რისკები მომხმარებელზე გადავა ნივთის გადამზიდავისთვის მიწოდების მომენტიდან.
საგარანტიო პირობები და წესები შედგენილია საქართველოს სამოქალაქო კოდექსის, „მომხმარებლის უფლებების დაცვის შესახებ“ საქართველოს კანონის მოთხოვნათა სრული დაცვით და არ ზღუდავს აღნიშნული კანონმდებლობით გარანტირებულ მომხმარებლის არცერთ უფლებას.
მომხმარებელი ვალდებულია, არ გააქტიუროს ტექნიკა, ნებისმიერ სანქცირებული ქვეყნების ტერიტორიაზე. წინააღმდეგ შემთხვევაში, მას დაეკისრება სრული პასუხისმგებლობა კომპანია შპს ,,თერმექს.ჯი“-ის მიმართ მიყენებული ზიანის გამო.

საქონლის თავდაპირველი წუნის დადგენასა და დიაგნოსტირებას უზრუნველყოფს საფირმო ან ავტორიზებული სერვის ცენტრი საქართველოში.

სერვის ცენტრების დასახელებები და საკონტაქტო მონაცემები მითითებული იქნება შესაბამის საგარანტიო ბარათში და კომპანიის ვებ გვერდზე thermex.com.ge

ყველა სხვა დანარჩენი საკითხი, რომელიც შეიძლება თქვენთვის კითხვის ნიშნის ქვეშ იყოს, გთხოვთ დაგვიკავშირდეთ რათა მოვახდინოთ სწრაფი/ეფექტური მომსახურება:

georgia@thermex.com| +995 032 2 880 580

THERMEX Karta 50 წყლის ელ გამაცხელებელი